எழுத்துக்காரன் வீதி, நாவல், விமர்சனம்

லௌகீக ஞானம்(நி)

இலக்கியம் ஒற்றைக் குரலாக மாறாமல், ஓர் பரந்த வெளி நோக்கி செல்ல, ஆசிரியன் முதன்மையில் தன்னைக் கடக்க வேண்டியுள்ளது. படைப்பைக் கலையாக்க, அவன் உதிர்க்கும் பகட்டான சித்தரிப்புகளும், உருவகம், உவமம் யாவும் புறம் தரும் உண்மைக்குத் திரையாக மாறிவிடுகின்றன. புறம் எனும் நிகழ்தலின் வழி, காட்சிகளாய் நாம் அடையும் சாராம்சமே அகம். பெரும்பான்மையான எழுத்தாளர்கள் புறத்தின் குரலுக்கு முழுமையாகப் புலன் சாய்க்காமல், உள்ளத்தில் எழும் உணர்வுப் பிரவாகத்திற்கு (Stream of consciousness) புறத்தைத் தடையாகக் கொள்கின்றனர். பல… Continue reading லௌகீக ஞானம்(நி)

கட்டுரை

அசைவுகளின் சப்தம்

ஸ்தாவரம், ஜங்கமம் வீர சைவத்தின் இரு அங்கங்கள். ஸ்தாவர மரபில், அசைவற்றவன் சிவன். கோவில்களும், லிங்கங்களும் அசைவற்ற சிவனின் உருவகங்கள்.  இதற்கு எதிர் முனையானது ஜங்கமம். சிவனின் அசைவைப் புகழ்வது. எதையும் அவன் அசைவாகப்  பார்க்கக் கூடியது.  சைவ நால்வரில் ஒருவரான மாணிக்கவாசகரும், ஜங்கமர் மரபைச் சார்ந்தவர் என்பது குறிப்பிடத்தக்கது. அ.கி. இராமானுஜத்தின் (A.K. Ramanujan's ‘Speaking of Siva’) தொகுதியிலிருந்து கவித்துவமான சில பாடல்களை மொழி பெயர்த்துள்ளேன். ஜங்கமரான, கன்னட வசனக் கவி மரபை சேர்ந்த… Continue reading அசைவுகளின் சப்தம்

நாவல், வையம் அளந்தான்

வையம் அளந்தான் – அத்தியாயம் 3

ஸ்டூடியோ டீரீம்ஸ் - ii வைத்தியநாத அய்யர், கம்போசிங் ரூம் புகைப்படம் ஒன்றில் கைத் தடியுடன் சுகாசனத்தில் அம்ர்ந்திருந்தார். அறுபதைத் தொட்ட தேவராஜனுக்கு,  குட்டையான உருவம். அங்கிங்கு வெளுத்த தாடி. நீண்டு வளராத தலை மயிர். பெரும்பாலும் வெண்நிற குர்த்தாவும் வேட்டியும் தான். கழுத்தில் ஸ்படிக மாலை.  கம்போஸிங் நாள் தோறும் காலை ஏழு மணிக்கு தவராமல் நிகழ்த்தப் படும் சடங்காக மாறி விட்டது. ஒரு வித இளக்காரத்துடன் கதை கர்த்தாக்களை அனுகுவான். நாலு மெட்டுக்கள் கேட்காமல் விழும். … Continue reading வையம் அளந்தான் – அத்தியாயம் 3

நாவல், வையம் அளந்தான்

வையம் அளந்தான் – அத்தியாயம் 2

ஸ்டூடியோ டிரீம்ஸ் தேவராஜ் இன்று தமிழ் திரை இசையில் உச்ச நட்சத்திரம். கருப்பு வெள்ளை காலம் தொடங்கி, நாற்பது வருடங்கள். இருண்ட ஸ்டூடியோக்களின் ஒலிகளில் வெளிச்சத்தைக் கண்டு கொண்டான். தேவராஜ் அக்காலங்களில் பலரின் கிண்டலுக்கு ஆளாகியிருந்தான். தந்தையுடன் எல்லா இசை அமர்விலும் உடன் இருப்பான். பார்ப்பதற்கு பதினைந்து வயதுள்ளவன் போல் காட்சி அளித்தாலும், அவ்வயதிற்கான எந்த உத்வேகமும் அவனிடமில்லை. அதிகம் பேச விரும்பாத, ஒற்றைக்கால் சஞ்சாரி. அவன் தந்தை வைத்தியநாத அய்யரின் சவுண்ட் இஞ்சினியர். இசை அமைப்புகள்… Continue reading வையம் அளந்தான் – அத்தியாயம் 2

ஒற்றைக்கால் கலி, கவிதை

கிருஷ்ண தாண்டவம் – ஒற்றைக் கால் கலி 7

கிருஷ்ண தாண்டவம்  மலைகளைப் போன்ற திருக்குடாச்சல அமைப்பில் சோம்நாத்புரா கோபுரங்கள் காட்சி தந்தன   கோவிலின் குளிர் தரைகள்  நுழைந்தவுடன் கால்களை இதமாக்கின   மூன்று திசையில் கர்ப துவாரங்கள் மூ மூர்த்தியாக திருமால் கேசவன் ஜனார்தனன் வேணுகோபாலன்   இடது புறம் கேசவனாக  கண்ணன் வேங்குழலுடன் நின்றிருந்தான்   பருத்த கைகள் மடங்கிய நிலையில் வேங்குழல் ஏந்தி  கால்கள்  ஒன்றை ஒன்று பிணைந்து உடல் சரிய மெல்லிய இசையை இருள் நிசப்திக்கும் கர்ப்ப துவாரத்தில்  இசைத்துக் கொண்டிருந்தான்   ஒளியற்ற… Continue reading கிருஷ்ண தாண்டவம் – ஒற்றைக் கால் கலி 7

ஒற்றைக்கால் கலி, கவிதை

அன்பின் உக்கிரம் – ஒற்றைக் கால் கலி 6

அன்பின் உக்கிரம் தென் திசை நோக்கி தரையில் உடம்பைக் கிடத்தியிருந்தார்கள் நன்கு படிந்த தலை கன்னத்தோடு ஒட்டிய முகம் முருக்கி விட்ட மீசை காதில் பொந்தாக வளர்ந்த மயிர் காக்கி நிற சட்டை வெள்ளை வேட்டி ஆண் என்ற அழகியல் வர்ணனைகளுக்கு சிறிதும் குறையிலாமல் உறங்கிக் கொண்டிருந்த கலி புத்திரனை கண் கொட்டாமல் பார்த்தனர் வந்து போனவர் மகன் துடிப்பாக வந்தவர்களை பூத உடலின் அருகில் அழைத்து சென்று மரியாதை செலுத்த வழி செய்தான் “அந்த கால… Continue reading அன்பின் உக்கிரம் – ஒற்றைக் கால் கலி 6

ஒற்றைக்கால் கலி, கவிதை

உபநகரம் – ஒற்றைக்கால் கலி 5

உபநகரம்மிதந்து வரும் காகிதங்கள்வானம் தொட்டு நிற்கும்வெண் நிறம் பூசிய உப நகரங்களின் புறத்தில்,குப்பை மேடுகளையும்தென்னைகளையும்மங்கிப் போனத் தன் ஈர உடம்பில்சராசரி மக்கள் உருவகிக்கும்அழகின் வக்கிரத்தைஎழுத்தாக்கி ஒட்டவும் வலு இல்லாமல்மந்தமாக மிதக்கின்றனகடலில்;கலியில்தன்னுள்ளே அழுந்திக் கொண்டுகொப்பளிக்கும் அலைகள் போலஉபநகரங்கள் கரைகள் கடந்துதிசையற்று விரிகின்றனநாலாப் புறத்திலும்உபநகரங்கள்குப்பைகளை ரப்பர் கால்களால் உராசிகாலை சூரியன் இதமாக சுட ஜீவனற்ற ஏதோ ஒரு பாட்டுடன் நடக்கும்நடைப்பயண மாந்தரின்அந்தப் புறங்கள்;பொதிமாடுகளாக மனிசரை ஏற்றி வரும்ஆட்டோ ரிக்‌ஷாக்கள்ஒரு கிலோமீட்டர் தொலைவில்சுங்கச் சாவடிசாலையெங்கும்நீண்ட வரிசைகளாக நிற்கும் ஆமை டிரெயிலர்கள்பின் புறம்ஆள்… Continue reading உபநகரம் – ஒற்றைக்கால் கலி 5

கவிதை

இருளின் உன்னதம்

இருளின் உன்னதம்இருளிலிருந்து ஒளி நோக்கி நகரவே தத்துவங்கள் நம்மிடையேப் பேசுகின்றன. சாதாராணமாக வசீகரத் தோற்றம் கொண்ட ஒரு பொருளை “தேசுவா இருக்கு” என சொல்கிறோம். ஒளியின் தன்மை இத்தகையது. ஆற்றலின் அளவாய், உண்மையை நோக்கி நகர்த்தும் சாரதியாகவே ஒளி திகழ்கிறது .எதிர்மறையாக, ஒளியின் சலன முகத்தை, கனவு விந்தையாக எழுப்பும் வெளிச்சப் பாய்ச்சலில் உணரலாம். நுண்மையாக, மனதின் வழி பல மாயா உலகங்களை சிருஷ்டி செய்யக் கூடியது ஒளி.இவ்வாறு அக - புற உலகின் இருப்பை ஒளிகளே… Continue reading இருளின் உன்னதம்