போகி

76775084_10216315487694716_385593969037279232_o.jpg

கந்தல் துணியை

உடலில் சுற்றிக் கொண்டு

நடந்து போகும் அவர்களை

கிராமங்களின் தெருக்கள்

காலம் காலமாக

அமைதியாக

யாருக்கும் சொல்லாமல்

தம்முள்ளே

அடைக்காத்து வந்துள்ளன

மாலை ஒளியுடன் கூட

இருள் பரப்பும் பஞ்சனையில்

சைக்கிள்களைப் உருட்டியப்படி

அமைதியாக

இலக்கற்ற

அந்த‌ மனிதர்களின் பின்

கிராம ஜனம் தொடர்வதை

சிறு வயதில் பார்த்த ஞாபகம்

அப்படித் தான் பேய் உடல் பூண்ட

அந்த சந்நியாசியைப் பார்த்தேன்

கிராமத்தின் எல்லையிலுள்ள

பாழ் வீட்டின் இடிபாடுகளுக்குள்

கோணிப் பையில் உடலை சுருட்டிக் கொண்டு

தண்டம் கருங்கல் சுவற்றில் சாய்ந்திருக்க

ஏகாந்தமாக உறங்கிக் கொண்டிருந்தான்

சுற்றி சனம் அமைதியாக அமர்ந்திருந்தது

சிறு தூக்கம் முடிந்தப் பின்

கோணியின் முடிச்சிலிருந்து

ஆட்டின் தலைப் போன்ற ஒரு முகம் வெளியே வந்தது

நெற்றி முழுதும் காய்ந்தத் திருநீற்றின் வாசம்

மண்ணில் புரண்டது போன்று

ஒட்டிக் கிடந்த

சாம்பல் நிற தாடி

அலட்டிக் கொள்ளாமல் எழுந்து

தண்டத்தைக் கையில் ஏந்தி

வீட்டின் இடிபாடுகளை அலட்சியமாகப் பார்த்தான்

ஏதோ எனக்கே சொல்வது போல

அவன் வாக்கியம் அமைந்தது

” நம்ம சுத்திக் கட்டின வீட்ட இடிச்சா

விஸ்தாரம் தான் ”

பின்

புறத்தில் ஓடும்

புழையை நோக்கி நடந்தான்

சிறிது நேரம் கழித்து

அவன்

நதியோடு அந்தரங்கமாக

பேசிக் கொண்டிருந்ததை

எட்டிப் பார்த்து ரசித்தேன்

துறவின் வழி

சிற்றில்களை சிதைத்து

வானின் கீழ்

போகியாக வாழும்

அவனை

அந்நிகழ்வின் பின்

சந்தித்ததாக நினைவில்லை

இன்று

கண்ணாடி சன்னல்களின் வழி

கொன்றைப் பூக்கள்

காற்றில் ஆட

பிரபஞ்சத்தின்

ஆனந்தக் கூத்தைத்

தனிமையில்

பார்த்துக் கொண்டிருக்கிறேன்

அருவமானத அக்காற்றினை  

தரிசிக்க முடியாமல்

கண்கள் சொக்கிப் போகின்றன

– ஆர். கே. ஜி


சந்நியாச சூக்தம்

न कर्मणा न प्रजया धनेन त्यागेनैके अमृतत्व-मानशुः ।

na karmaNA na prajayA dhanena tyAgenaike amRRitatva-mAnashuH

Neither by actions, nor by aquiring progeny and wealth, but by renunciation alone is immortality attained.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s